మనసు

నిలకడ లేనిధి ఈ మనసు
నిదురే పోదేరోజు !

వినీలాకాసం క్రింద
పరుగెత్తే మేఘాలను
పట్టుకోవాలంటుంది
పైకెగయాలంటుంది
నిలకడ లేనిది ఈ మనసు
నిదురేపోదేరోజు !

చల్లని చంద్రికలో
నక్షత్రాల ముగ్గుల్లో
నడిచి వెళ్ళే చంద్రుణ్ణి
చుడాలంటుంది
చూస్తూనే వుండా లంటుంది
నిలికడ లేనిదీ మనసు
నిదురే పోదే రొజు !

చల్లని వెన్నెలను
రంగుల పూవులను
ప్రకృతి చేసే విందు లంటుంది
కను దోయిని శాసిస్తుంది చూడమని
చూసి చూసి పరవసించమని
నిలకడ లేనిదీ మనసు
నిదురే పోదేరోజు !

వెన్నెల లో తడిసిన మందారపు టందాలు
మంచు కురిసిన ముత్యాల చినుకులు
కదలి వెళ్ళే రమణి సోయగపు నడకలు
మత్తెక్కించే ఆమె పరువాల పొంగులు
అన్నీ చూడా లంటుంది
అవే కావాలంటుంది
నిలకడ లేని ధీ మనసు
నిదురే పోదేరోజు !

విరబూసిన సన్నజాజి చెట్టు క్రింద
పరచిన పట్టు పరుపు ప్రక్క మీద
కురిసే చల్లని వెన్నెల నీడ లోన
నిమిష మైనా నిలువ నంటుంది
ఎటో ఎటో పోవాలంటుంది
నిలకడ లేనిధీ మనసు
నిదురే పోదేరోజు !

తెల్లని వెన్నెలలో
చల్లని మంచు కొండపైన
విహరించే రాజ హంసను
వొడిసి పట్టాలంటుంది
పట్టి చూదాలంటుంది
గగన మనే క్షేత్రంలో
వెదజల్లిన నక్షత్రాల విత్తులను
తిరిగి ఏరాలంటుంది
ఏరితీరా లంటుంది
నిలకడ లేనిదీ మనసు
నిదురే పోదేరోజు !